國際熱身賽全球熱話
球王現‧德英決
19/11/2008
文： 樂比堅尼
今晚國際熱身賽連場大戰，其中以德國主場對英格蘭及蘇格蘭主場對阿根廷最為矚目。德、英兩國屬世仇，兩軍對決必掀起球壇熱話，○一年英格蘭作客德國大勝五比一，七年後捲土重來，英軍受讓仍值得看好。阿根廷由馬納當拿首度領軍到訪蘇格蘭，「球王效應」凌厲，阿根廷贏加大合理不過。
蘇格蘭主場對阿根廷，球王馬納當拿首次領軍遠征蘇格蘭，雖然冇召入兩大重臣美斯同列基美，但隊中進攻能手多的是，撞蘇格蘭正選門神哥頓缺陣，未必頂得住阿根廷喪攻，大盤夠穩！（有線體育台62周四凌晨4時直播）
阿根廷喪攻蘇格蘭
馬納當拿領軍經驗尚淺，調兵遣將功力有待驗證，以其過往比賽風格，相信會向球員下達簡單指令，總之有波在腳就攻，一於全力爭取入球，展示阿根廷性感足球魅力！事實上，阿根廷優質攻擊球員多到數唔晒，其中泰維斯近排餓波，落到場實盡情騷哥利，估計大軍可連番攻破對手大門。
蘇格蘭隊長巴利費格遜傷愈重新入選，熱刺右閘侯頓亦獲重召，不過現時大軍仍有唔少傷兵，包括首席門神哥頓、曼聯中場費查及一對箭頭史提芬費查及堅尼米拿等。再者，些路迪中堅組合卡達維同麥馬奴斯冇速度轉身慢，遇上對手班「濕水欖核」九死一生。
防線有甩漏易失波
阿根廷近八戰只曾一勝，馬納當拿肩負振興國家責任，誓下達必勝令，球隊大有機會旗開得勝。不過，見到大軍名單上有高洛仙尼、軒斯同貝迪素等「甩漏王」壓陣，條防線唔多令人放心，蘇格蘭用高Q大棍轟炸可望偷雞入波，呢場大盤分頭仲好過客W，冇理由唔揀！
